Mae’r ysgol yn gyson yn datblygu ei dulliau dysgu cyfunol ar draws yr ystod oed 3-19.
Datblygodd yr angen i gynnig profiadau dysgu cyfunol i’r holl ddisgyblion yn ystod y cyfnod o bandeming yn 2020 ac ystyriwn bellach bod dysgu cyfunol yn arf ychwaengol i’r addysgwyr. Mae polisi dysgu cyfunol yr ysgol yn nodi sut rydym yn datblygu’r defnydd o dechnoleg i hybu’r dysgu a sut y dylid cyfuno hwn â’r dulliau addysgeg traddodiadol a amlinellir ym mholisi dysgu ac addysgu yr ysgol.
Diffinir dysgu cyfunol isod :
- Dysgu wyneb yn wyneb yn y dosbarth
- Dysgu ar lein : gweithgareddau ar lein trwy blatfform HWB, gwersi wedi eu recordio, gwersi fflip, ffrydio byw
- Defnyddio gwerslyfrau ac adnoddau i weithio adref
Y defnydd o blatfform Hwb https://hwb.gov.wales/
Ers Medi 2020 mae’r holl ddisgyblion wedi bod yn defnyddio Hwb fel platfform ar gyfer Microsoft Teams a Google Classrooms. Yn y Cyfnod Sylfaen, defnyddir Google Classroom i osod tasgau ac i rannu gwybodaeth â rhieni / gofalwyr. Disgwylir iddynt gwblhau tasgau a osodir yn uniongyrchol neu i uwchlwytho tystiolaeth arall e.e.llun neu fideo. Mae athrawon CA2-CA5 yn defnyddio Teams / Google Classrooms er mwyn gosod gwaith cartref a thasgau asesu ac yn cynnig adborth yn electronig i’r disgyblion.
